"Avropa İttifaqı Ukrayna ilə bağlı istənilən sülh təşəbbüslərini pozmaq üçün Rusiya Prezidenti Vladimir Putin və ABŞ Prezidenti Donald Trampın görüşü ərəfəsində aktiv təxribat cəhdlərinə əl atıb”.

"Gundelikxeber.org” xəbər verir ki, bu sözləri TASS-a müsahibəsində Rusiya Xarici İşlər Nazirliyinin rəsmi nümayəndəsi Mariya Zaxarova deyib.

“Aİ və Qərbi Avropanın aqressiv cəmiyyəti özlərinin sevdiyi şəkildə aktiv fəaliyyətlərə keçib. Yenidən bəyanatlar səsləndirilir, təhdid səviyyəsində açıqlamalar verilir. Biz anlayırıq ki, Qərbi Avropanın aqressiv cəmiyyəti nə etmək istəyir. Onlar, təbii ki, istənilən sülh təşəbbüslərini pozmaq istəyirlər. O da aydındır ki, onlar münaqişənin eskalasiyası üçün əllərindən gələni edirlər”, – o bildirib.