Aqrar Xidmətlər Agentliyi qanun pozmaqda “gül” vurur - İTTİHAM VAR... [xfgiven_qirmizi] [xfvalue_qirmizi] [/xfgiven_qirmizi]
Qeyd edək ki, Aqrar Xidmətlər Agentliyi tərəfindən nəzərdə tutulmuş reaktiv və dezinfeksiya vasitələrinin satın alınması üzrə keçirilmiş kotirovka sorğusunda ehtimal olunan qiyməti 189.423,41 manat müəyyən edilmişdir. Dövlət satınalmalarının internet portalına yerləşdirilmiş bu məlumatlardan görsəndiyi kimi satınalan təşkilat olaraq Aqrar Xidmətlər Agentliyinin müəyyən etdiyi ehtimal qiyməti ilə təchizatçı “BAYRAMLI GROUP” MMC-nin təklif edərək qalib olduğu qiymətlər arasında kəskin fərq var.
Qeyd edək ki, “Dövlət Satınalmaları haqqında” Azərbaycan Respublikasının Qanununda təchizatçıların satınalmadan kənarlaşdırılması müəyyən edilib. Sözügedən Qanunun 35.1.8. maddəsinə görə təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyasının sorğusu əsasında təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda təchizatçı müsabiqədən kənarlaşdırılmaldır. Amma göründüyü kimi Aqrar Xidmətlər Agentliyi Qanunun bu tələblərini nəzərə almamaış, kotirovka müsabiqəsində ehtimal olunan qiymətlə müqayisədə 20 faizdən dəfələrlə aşağı, 50 faizə yaxın qiymət təqdim etmiş “BAYRAMLI GROUP” MMC ilə satınalma müqaviləsi bağlamışdır.
Qeyd edək ki, bu Aqrar Xidmətlər Agentliyi ilə “BAYRAMLI GROUP” MMC arasında bağlanan ilk satınalma müqaviləsi deyil.
Belə ki, Agentlik ilə MMC arasında 2024-cü ilin dekabrında Heyvan Sağlamlığı və Baytarlıq Xidmətləri Mərkəzi üçün laboratoriya diaqnostikumlarının, reaktivlərin və diaqnostik test dəstlərinin satın alınması üzrə 885.050,48 manat dəyərində, Laboratoriya, Ekspertiza və Sertifikatlaşdırma Mərkəzinin laboratoriya avadanlıqlarının və ehtiyat hissələrinin alınması və quraşdırılmasının satın alınması üzrə isə 106.639,31 manat məbləğində satınalma müqavilələri bağlanılıb. Aqrar Xidmətlər Agentliyi tərəfindən keçirilmiş bu açıq tenderlərdə də “Dövlət Satınalmaları Haqqında” Azərbaycan Respublikası Qanununun digər bir sıra tələbləri kobud şəkildə pozulmuş, yenə də ehtimal olunan qiymətlə müqayisədə 20 faizdən dəfələrlə aşağı qiymətə satınalma müqavilələri bağlanılmışdır.
Kommersiya qurumunun hüquqi şəxslərin dövlət reyestrinə daxil edilmiş məlumatlarında “BAYRAMLI GROUP” (VÖEN: 1504276901) Məhdud Məsuliyyətli Cəmiyyətinin 31.10.2018-ci il tarixdə Dövlət Vergi Xidmətinin Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının BAKI ŞƏHƏRİ, NƏRİMANOV RAYONU, KOROĞLU RƏHİMOV, ev.22C, m.8, qanuni təmsilçisi kimi isə Bayramlı Cavid Məhərrəm oğlu qeyd olunub.
Göründüyü kimi Aqrar Xidmətlər Agentliyi ilə “BAYRAMLI GROUP” MMC arasında bağlanmış satınalma müqavilələrində satın alınan malların qiyməti Qanunun tələb etdiyi ehtimal olunan qiymətlə müqayisədə 20 faizdən dəfələrlə aşağıdır. Bu da keçirilmiş satınalam prosedurunda saxtakarlıq hallarına yol yerildiyinə əsaslı şübhələr yaratmaqla bərabər, satın alınan malların mənşə və keyfiyyət sertifikatlarının olmadığına da şübhələr yaradır. Bu da öz növbəsində satın alınacaq malların keyfiyyət göstəricilərinin aşağı olma ehtimalını artırır.
Bundan əlavə Aqrar Xidmətlər Agentliyinin Heyvan Sağlamlığı və Baytarlıq Xidmətləri Mərkəzi üçün yüksək təzyiqli mobil qoyun dərmanlama avadanlığının və əllə daşına bilən çiləyici qurğuların satın alınması predmeti üzrə keçirlimiş açıq tenderdə qalib təchizatçı “UMUT AGRO” Məhdud Məsuliyyətli Cəmiyyəti seçilib və tərəflər arasında 230.003,24 manat dəyərində satınalma müqaviləsinin imzalanması nəzərdə tutulur.
Qeyd edək ki, Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “UMUT AGRO” (VÖEN: 6101133571 ) Məhdud Məsuliyyətli Cəmiyyətinin 12 saylı Ərazi Vergilər İdarəsində 24.09.2018-ci il tarixdə dövlət qeydiyyatına alındığı bildirilir. Nizamnamə kapitalı 100 manat olan MMC-nin hüquqi ünvanının GORANBOY RAYONU, MUZDURLAR, qanuni təmsilçisinin isə Əsgərov Elgün Polad oğlu olduğu göstərilir. Reyestr məlumatında MMC-nin təsisçisi və ilk qanuni təmsilçisi Əkbərov Fəxri Vilayət oğlu olub. Onu müəyyən vaxtlarda Əkbərzadə Fərid Vilayət oğlu əvəz edib.
Səyyar vergi yoxlamaları üzrə – Səyyar vergi yoxlaması üzrə məsuliyyətə cəlbetmə qərarının nəticəsində 211 596.02 manat əlavə vergi, 105 798.02 manat maliyyə sanksiyası hesablanmışdır. Vergi öhdəlikləri üzrə – 2020-2024-cü illərdə Vergi Məcəlləsinə uyğun olaraq vergi hesabatını və ya onu əvəz edən arayışı vaxtında təqdim etməməyə görə dəfələrlə maliyyə sanksiyası tətbiq edilmişdir. Hazırda 335 433.34 manat vergi borcu var.
Qeyd edək ki, Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyinin sədri Sərdar Hacıyev. O, bu vəzifəyə nazir Məcnun Məmmədov əmr ilə 02 Oktyabr 2023-cü ildə təyin edilib. O, bundan əvvəl “PAŞA Holdinq” MMC-yə məxsus “Yalama Aqropark” MMC-nin İdarə Heyətinin sədri olub.
Xatırladaq ki, AXA Prezident İlham Əliyevin “Aqrar sahədə idarəetmənin təkmilləşdirilməsi ilə bağlı əlavə tədbirlər haqqında” 14 yanvar 2019-cu il tarixli fərmanı ilə aqrar sahədə göstərilən dövlət xidmətlərinin optimallaşdırılması, səmərəliliyinin artırılması, həmin xidmətlərin daha az resurs sərf etməklə həyata keçirilməsi, dövlət vəsaitinə qənaət edilməklə bu sahədə inzibati idarəetmənin təkmilləşdirilməsi, xidmətlərin həyata keçirilməsində keyfiyyətə nəzarətin təşkili, şəffaflığın artırılması, innovativ həllərin tətbiqi, elektron xidmətlərə keçidin sürətləndirilməsi, vətəndaş məmnunluğunun artırılması məqsədi ilə KTN yanında Dövlət Fitosanitar Xidmətinin, Dövlət Baytarlıq Xidmətinin, Bitki Sortlarının Qeydiyyatı və Toxum Nəzarəti üzrə Dövlət Xidmətinin və Baş Dövlət Texniki Nəzarət Xidmətinin əsasında yaradılıb.
Amma göründüyü kimi, Aqrar Xidmətlər Agentliyində dövlət vəsaitinə qənaət edilməsindən, keyfiyyətə nəzarətdən, şəffaflıqdan əsər-əlamət belə yoxdu. Agentlik, ehtimal olunan qiymətlərdən dəfələrlə aşağı müqavilələr bağlayır, külli miqdarda vergi borcu olan MMC-ni qalib seçir və bu qanunuzluqlara aydınlıq gətirilməsi məqsədi ilə ünvanlanan sorguya cavab belə vermirlər. Bir sözlə, Aqrar Xidmətlər Agentliyində qanunlara “gül” vururlar.
Aktualinfo.org
