Nadir Hüseynov sükan arxasında ürəktutmadan vəfat etdi [xfgiven_qirmizi] [xfvalue_qirmizi] [/xfgiven_qirmizi]
Tanınmış bədii qiraətçi, Əməkdar müəllim Nadir Hüseynov vəfat edib.
“Gundelikxeber.org” xəbər verir ki, bu barədə APA-ya aktyor Nofəl Vəliyev məlumat verib.
Onun sözlərinə görə, Nadir Hüseynovun sükan arxasında ürəyi dayanıb, daha sonra avtomobil idarəetmədən çıxaraq maneəyə çırpılıb.
Qeyd edək ki, N. Hüseynov 1952-ci ildə Neftçala rayonunun Qırmızıkənd kəndində anadan olub. M. Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirib. O, daha çox AzTV-də yayımlanan “Ozan” folklor toplusu verilişinin aparıcısı kimi tanınıb.
Nadir Hüseynov uzun illərdir Azərbaycan Dövlət Mədəniyyət və İncəsənət Universitetində “Səhnə danışığı” fənnini tədris edirdi.
