Britaniya Ermənistana ilk dəfə hərbi attaşe təyin edib [xfgiven_qirmizi] [xfvalue_qirmizi] [/xfgiven_qirmizi]
Böyük Britaniya ilk dəfə Ermənistana rezident hərbi attaşe təyin edib.
“Gundelikxeber.org” “Armenpress”ə istinadən xəbər verir ki, bu barədə məlumatı Böyük Britaniyanın Ermənistandakı Səfirliyi yayıb.
Sözügedən posta mayor Tomas Şorland Boll təyin olunub.
“Bu tarixi addım Birləşmiş Krallıqla Ermənistan arasında tərəfdaşlığın dayanıqlığının artmasını təcəssüm etdirir, müdafiə və təhlükəsizlik sahəsində əməkdaşlığın daha da dərinləşdirilməsinə töhfə verəcək”, - məlumatda qeyd olunub.
Xatırladaq ki, Böyük Britaniya bu ilin martında Azərbaycana da hərbi attaşe təyin etmişdi.
