Məktəbdə şagirdlər zəhərləndi, bufet bağlandı [xfgiven_qirmizi] [xfvalue_qirmizi] [/xfgiven_qirmizi]
Gəncə şəhərində C.Cabbarlı adına 6 nömrəli tam orta məktəbdə 7 şagirdin qidadan zəhərlənməsi ilə bağlı Azərbaycan Respublikası Qida Təhlükəsizliyi Agentliyinin (AQTA) mütəxəssisləri tərəfindən araşdırmalara başlanılıb.
Gündəlikxəbər.org xəbər verir ki, şagirdlərin qida məhsulunu alaraq istehlak etdikləri bufetdə yoxlama aparılıb, fəaliyyəti nöqsanlar aradan qaldırılanadək məhdudlaşdırılıb.
Yoxlama zamanı bufetdə satışa çıxarılan qida məhsullarından nümunələr götürülərək laboratoriyaya göndərilib. Araşdırmalar davam etdirilir.
Qeyd edək ki, şagirdlər məktəbin bufetindən aldıqları şirniyyat məhsulunu istehlak etdikdən sonra özlərini pis hiss ediblər. Onlar Gəncə Şəhər Birləşmiş Xəstəxanasının nəzdindəki Abbas Səhhət adına xəstəxananın Yoluxucu xəstəliklər şöbəsinə yerləşdirilib. Hazırda iki şagirdin müalicəsi davam etdirilir. Digər beş şagird isə tibbi yardım göstərildikdən sonra evə buraxılıb.
