ABŞ-nin rəhbərlik etdiyi beynəlxalq koalisiya Suriyadan çıxarılmasını başa çatdırıb.

“gundelikxeber.org” xəbər verir ki, bu barədə Suriya Xarici İşlər Nazirliyi məlumat yayıb.
Nazirlik bəyan edib ki, Suriya hökumətinin fikrincə, Vaşinqtonun bu ölkədəki hərbi missiyasını dayandırmaq qərarı “ABŞ-nin Suriyada hərbi mövcudluğunu ilkin tələb edən şərtlərin, yəni İŞİD-in regional yüksəlişinə qarşı mübarizənin əsaslı şəkildə dəyişdiyinə dair ortaq qiymətləndirməni əks etdirir.

XİN qeyd edib ki, Suriya hazırda beynəlxalq ictimaiyyətlə əməkdaşlıq edərək terrorizmlə mübarizə səylərinə daxildən rəhbərlik etmək iqtidarındadır.

Qeyd edək ki, fevral ayında “The Wall Street Journal” öz mənbələrinə istinadən xəbər vermişdi ki, ABŞ Suriyadan qalan bütün qoşunlarını çıxarmağa başlayıb. Bu, ABŞ-nin ölkədəki onillik əməliyyatının başa çatması deməkdir.