Lüks həyatı, bahalı avtomobili, qalmaqalları ilə gündəm olan direktordan 112 min manatlıq alış-veriş -Stepler, skoc, karandaş yonan və.s [xfgiven_qirmizi] [xfvalue_qirmizi] [/xfgiven_qirmizi]
"Nərimanov Tibb Mərkəzi" publik hüquqi şəxsi dəftərxana və təsərrüfat mallarının satın alınması ilə bağlı tenderin nəticəsini açıqlayıb.
Tenderin qalibi "GLOBAL STATIONERY OFFICE" MMC olub. Müqavilənin dəyəri 112.458,72 AZN təşkil edir.
Satınalma çərçivəsində skoc, skrepka, böyük ölçülü stepler, A4 formatlı dəftərxana kitabı, penal dəsti, səhifə nişanlayıcı, pozan, qayçı, karandaş yonan, qeyd kağızı və digər ofis ləvazimatlarının alınması nəzərdə tutulur.
Qalib şirkətin nizamnamə kapitalı 10 manat MAYIL CAVADOV PƏRVİZ oğludur.
Qeyd edək ki, Nərimanov Tibb Mərkəzinin direktoru Fazil Alməmmədovdur.
Xatırladaq ki, 2023-cü ildə yayılan məlumata əsasən, Nərimanov Tibb Mərkəzinin direktoru Fazil Alməmmədovun yaxın qohumlarını mərkəzdə müxtəlif vəzifələrə yerləşdirdiyi, hətta təcrübəsiz və tibbi təhsili olmayan şəxslərin belə işə götürüldüyü iddia olunurdu. Həmçinin, onun dəbdəbəli həyat tərzi sürməsi, bahalı avtomobil və mənzil alması, ailə üzvlərinin adına obyektlər açması kimi faktlar gündəmə gəlmişdi.
Məsələ ilə bağlı açıqlama almaq istəyən jurnalistlər isə Mərkəzin ictimaiyyətlə əlaqələr bölməsindən məhkəmə ilə hədələnmişdi.
Həmçinin, mediada gedən məlumatlara görə, Nərimanov Tibb Mərkəzinin direktoru Fazil Alməmmədov ötən il Adil Vilayət oğlu Məmmədzadə tərəfindən 400 min manatlıq borc qalmaqalı ilə bağlı məhkəməyə verilmişdi. Məsələ sonradan "başqa müstəvidə" həll olunub və Adil Məmmədzadə 2025-ci ildə Fazil Alməmmədovun müavini təyin edilib. Qeyd edək ki, Fazil Alməmmədovun ailə üzvlərinin də Tibb Mərkəzində vəzifə tutması ilə bağlı araşdırmalar yayılmışdı.(32gun.az)
