Natiq Ağayev: Müstəqilliyimiz əbədidir, dönməzdir [xfgiven_qirmizi] [xfvalue_qirmizi] [/xfgiven_qirmizi]
Göyçay Rayon İcra Hakimiyyətinin inzibati binasında vətəndaşların növbəti qəbulu keçirildi
Rayon İcra Hakimiyyətində vətəndaşların növbəti qəbulu keçirildi.
Qəbulda rayon İcra Hakimiyyəti başçısının birinci müavini İkram Vəliyev, aparatın şöbə müdirləri, aidiyyəti idarə, müəssisə və təşkilatların nümayəndələri iştirak edirdi.
Vətəndaşların müraciətləri dinlənilmiş və onların qaldırdıqları məsələlərlə bağlı qanunvericiliyin tələbləri izah olunmuş, İcra Hakimiyyətinin səlahiyyətləri daxilində olan məsələlərin həlli üçün yerində tapşırıq verilmiş, digər mövzularla bağlı isə aidiyyəti qurumların yerli nümayəndələrinə tapşırıq verilmişdir.
Ümumilikdə qəbul zamanı 40-a yaxın rayon sakinlərinin müraciətinə baxılmış, şəhid ailələri, qazilər və müharibə iştirakçıları isə növbədənkənar qəbul edilmişdir.
Göyçay Rayon İcra Hakimiyyətinin başçısı Natiq Ağayev - Müasir müstəqil Azərbaycan dövlətinin qurucusu, Ulu Öndər Heydər Əliyevin bu tezisini qeyd etmək istərdik: “Müstəqilliyin əldə olunması nə qədər çətindirsə, onun saxlanılması, daimi, əbədi olması bundan da çətindir.” Azərbaycan xalqının çoxəsrlik dövlətçilik salnaməsinə əbədi həkk olunan 28 may 1918-ci il tarixindən bizi 105 illik zaman ayırır. Həmin tarixdə Azərbaycan Xalq Cümhuriyyəti elan edilib. Məlum səbəblərdən 23 ay yaşayan Demokratik Respublika qarşısına qoyduğu məqsədlərə tam nail olmadan süquta uğrasa da, onun şüurlarda formalaşdırdığı müstəqillik ideyası unudulmadı. Xalqımız daim müstəqil, azad olmaq, öz təbii sərvətlərinin əsl sahibinə çevrilmək arzu ilə yaşadı.
Azərbaycan XX əsrin sonlarında - 18 oktyabr 1991-ci ildə yenidən müstəqilliyini bərpa etməklə özünün qədim dövlətçilik ənənələrinə sadiq qaldığını göstərdi. Müstəqil ölkəmiz Azərbaycan Xalq Cümhuriyyətinin siyasi və mənəvi varisi olmaqla onun üçrəngli bayrağını, gerbini, himnini qəbul etdi.
Müstəqilliyimizin ilk illərində yaşananlar, 1991-93-cü ilin iyununadək olan dövr tariximizə qara səhifə kimi yazılıb. Bu illərin hakimiyyətsizliyi ölkədə ictimai-siyasi durumun gərginliyi, özbaşınalığın baş alıb getməsi, sabaha ümidlərin itməsi ilə müşayiət olunurdu. Ölkə daxilində siyasi vəziyyət son dərəcədə kəskinləşmiş, vətəndaş qarşıdurması yaranmışdı. Separatçılıq bu qarşıdurmanı daha da dərinləşdirirdi. “Olum ya ölüm” dilemması qarşısında qalan Azərbaycan dövlət müstəqilliyini itirmək, dünyanın siyasi xəritəsindən silinmək təhlükəsini yaşayırdı. Digər tərəfdən Azərbaycan Silahlı Qüvvələrinin torpaqlarımızın deyil, ayrı-ayrı qrupların maraqlarına xidmət etməsi ərazilərimizin işğalına səbəb olmuşdu. Belə çətin vəziyyətə düşən xalqın sabaha ümidləri tamamilə itmişdi. Hər zaman Vətəninə, xalqına, torpağına bağlılıq nümayiş etdirən, Azərbaycanın gələcəyi üçün çalışan dahi şəxsiyyət Heydər Əliyev xalqın səsinə səs verdi. 1993-cü ildə xalqın təkidli tələbi ilə hakimiyyətə qayıdan Ümummilli Lider Heydər Əliyevin "Mən həmişə fəxr etmişəm, bu gün də fəxr edirəm ki, mən azərbaycanlıyam" tezisi harada yaşamasından asılı olmayaraq bütün dünya azərbaycanlılarının həyat amalına çevrildi. Dövlətçiliyimiz iflasdan xilas edildi.
Bir mühüm məqamı da xüsusi qeyd etməliyik ki, Ulu Öndər Heydər Əliyev hələ hakimiyyətinin birinci dövründə Azərbaycanı gələcəkdə müstəqil dövlət kimi görərək bu istəyə uyğun olaraq addımlar atmışdır. Minlərlə Azərbaycan gəncinin keçmiş İttifaqın ən nüfuzlu ali məktəblərində təhsil almağa göndərilməsi, həmçinin o illərdə C.Naxçıvanski adına hərbi liseyin yaradılması bugünümüzə hesablanmış addımlar sırasındandır. Dahi şəxsiyyət Heydər Əliyev hakimiyyətinin birinci dövründə Azərbaycanı İttifaq respublikaları arasında geridən qalan ölkədən ən qabaqcıl ölkəyə çevirdiyi kimi, 1993-cü ildə xalqın təkidli tələbi ilə hakimiyyətə qayıdışı ilə xilaskarlıq missiyasını uğurla yerinə yetirərək Azərbaycanın müstəqilliyinin daimiliyini, sarsılmazlığını təmin etmək üçün möhkəm təməl yaratdı. İqtisadiyyatın inkişafında neft amilinə böyük önəm verməsi iqtisadi inkişafı təmin etməklə, digər sahələrin də tərəqqisini sürətləndirməyi şərtləndirdi. Əhalinin sosial müdafiəsi gücləndirildi, demokratik cəmiyyətin varlığını təsdiqləyən bütün atributlar bərqərar olundu, sülh danışıqlarını cəsarətlə aparmaq üçün ordu quruculuğu sahəsində təxirəsalınmaz tədbirlər həyata keçirildi. 1995-ci ildə müstəqil dövlətin Konstitusiyası qəbul edildi, dövlətçiliyin ideoloji əsasları qoyuldu və bu gün də ölkəmizin əsas ideoloji şüarı Azərbaycançılıq məfkurəsidir. Azərbaycanın diplomatik mübarizədə qələbəsini təmin etmək üçün möhkəm hüquqi baza formalaşdırıldı.
Bir yazıda Azərbaycanın müstəqillik tarixinin ümumi mənzərəsini tam yaratmaq, Heydər Əliyev siyasətinin uğurlarını əhatə etmək mümkünsüzdür. Bu illərdə qazandığımız uğurların zirvəsi tarixi Zəfərimizdir. 44 günlük İkinci Qarabağ müharibəsində Azərbaycan Ordusunun qəhrəmanlığı sayəsində ədalət bərpa olundu, işğala son qoyuldu. Dövlətimizin başçısı, Müzəffər Ali Baş Komandan İlham Əliyev qalib ölkənin qalib Lideri olduğunu əməli ilə təsdiqlədi, ata vəsiyyətini yerinə yetirdi və bununla xoşbəxtliyini xalqına əminliklə çatdırdı.
