Aprelin 23-də ABŞ-nin paytaxtı Vaşinqtonda İsrail və Livan nümayəndə heyətləri arasında danışıqların ikinci raundu baş tutacaq.

“Gundelikxeber.org” xəbər verir ki, bu barədə məlumatı “Reuters” agentliyi anonim İsrail rəsmisinə istinadən yayıb.

Məlumata əsasən, İsrail tərəfini bu mühüm danışıqlarda ölkənin ABŞ-dəki fövqəladə və səlahiyyətli səfiri Yexiel Layter təmsil edəcək. Görüşün əsas gündəliyi tərəflər arasındakı mövcud gərginliyin azaldılması və sərhəd təhlükəsizliyi məsələləri ətrafında olacaq.

Qeyd edək ki, Vaşinqtonun vasitəçiliyi ilə keçirilən görüşlər regionda genişmiqyaslı hərbi qarşıdurmanın qarşısını almaq məqsədi daşıyır.

Məlumat üçün bildirək ki, aprelin 14-də tərəflər Vaşinqtonda ilk dəfə görüşmüşdülər. Daha sonra isə Livan və İsrail dövlət başçılarının əldə etdiyi razılığa görə 10 günlük atəşkəs elan olunmuşdu.