Əvvəllər “Son zəng” yaxınlaşanda şagirdlər sevinər, amma məktəb həyatına vida edəcəyinə görə bir az da kədərlənərdilər. Valideynlər isə məzun övladlarına baxar, qürrələnər, qayğılı görünər, onların orta məktəb partasından qalxıb ali məktəbə gedib-getməyəcəyinin fikrini çəkərdilər. Yəni onların bundan başqa fikri-zikri, qayğısı olmazdı.

Ancaq indi belə deyil. Valideynlər bilmirlər ki, onların hazırlıq kurslarının ödənişlərini çatdırsınlar, öz şəxsi ehtiyaclarını qarşılasınlar, yoxsa məktəblərdə “Son zəng” pulu yığılmasına görə başqalarından geri qalmasınlar, uşaqlarının gözü qarşısında xəcalətli olmasınlar. Ona görə də özlərini neçə yerə bölürlər ki, bu tələblərə cavab verə bilsinlər.
İntəhası, sonuncu tələb - “Son zəng” pulu yığılması səbri daşıran son damla olur. Çünki bu, rüşvətdir, qanunsuz təşəbbüsdür. Elm və Təhsil Nazirliyinin 2024-cü ildə məktəblərə ünvanladığı “Məktəbdə "Son zəng" tədbirlərinin təşkili ilə bağlı tövsiyə” sənədində qeyd edilir ki, tədbirlər məktəb daxilində, mənəvi və pedaqoji dəyərləri əsas tutaraq, sadə və təmtəraqsız şəkildə təşkil edilməli, bunun üçün maddi vəsait toplanmamalıdır.
Di gəl, bunu kimə deyirsən? Nazirliyin ötən il verdiyi bu qərara baxmayaraq, hələ də ona məhəl qoymayan, burda bizik Bağdadda kor xəlifə deyərək pul yığdıran məktəblər var.
Misal üçün Lökbatanda yerləşən 288 saylı orta məktəb. Sosial şəbəkələrdə məktəb direktoru Aygün Hüseynovanın səsyazısı da yayıldı, ortaya fakt qoyuldu, “Son zəng” üçün 200 manat pul istənildiyi həmin audioyazıda üzə çıxdı, amma yenə də kar eləmədi.
Hətta “Xəzər” televiziyası süjet hazırladı, məktəbin tərbiyə işləri üzrə təşkilatçısı Eynur Orucovun səsi yayımlandı, səsyazısı efirə verildi, bir daha sübut olundu ki, 288 saylı məktəbdə direktordan tutmuş qulbeçələrinə qədər “Son zəng” pulu tələb ediblər, lakin məktəb rəhbərliyi boz şəkildə “dediyim dedikdir” misalına uyğun olaraq bu faktları təkzib etməyə çalışır. Halbuki Elnur Orucov etiraf edir ki, belə bir müzakirə olub, müxtəlif variantlar nəzərdən keçirilib. Guya söhbət aparılıb, amma pul yığılmayıb. Kimə gəlirsiniz? Pul yığmaq barədə müzakirənin təşkili belə yolverilməz haldır.
Üstəlik, süjetdə adı açıqlanmayan valideynlərdən biri də pul yığıldığını təsdiqləyir, amma məktəb direktoru Aygün Hüseynova hamını yalançı çıxarır, bircə özü düz danışır. Direktor iddia edir ki, məktəbdə belə şey ola bilməz, guya səsyazısı yarımçıqdır.
Bəs od olmayan yerdən tüstü necə qalxıb? Niyə məhz 288 saylı məktəb? Deməli, “Son zəng” üçün pul tələb ediblər, sadəcə, məsələ ictimailəşdiyi üçün Aygün Hüseynova “cümlə xəyanətlərə bais” olmasını üzərindən atmaq istəyir.
Ümumiyyətlə, təkcə bu “Son zəng” ərəfəsində deyil, həmişə 288 saylı orta məktəbdə özbaşınalıqlar, pul yığılması halları olur, maliyyə pozuntularına yol verilir.O cümlədən maliyyə,, maxinasiya"larında direktor müavini Şəhla Mirzəyevanın adı keçir. 9 cu siniflərin atestat qiymətlərinin saxta yolla 500 manat pul dəyırində dəyişdirməsi bildirilir. Sanki bura təhsil ocağı yox, rüşvət, korrupsiya ocağıdır. Elm, bilik öyrədən bir yerin, yəni müqəddəs məkanın pul, rüşvət, yığım məntəqəsinə çevrilməsi artıq mənəvi aşınmadan, təhsil ocağının bazara çevrilməsindən xəbər verir.
Bu da Aygün Hüseynovanın rəhbərliyi altında baş tutan rüsvayçılığın mənzərəsidir – teatrın pərdəsi qalxır və səhnədə baş rolda direktor olmaqla pul yığılması ssenarisi oynanılır.
Bu da azmış kimi, məktəb direktoru Aygün Hüseynova müəllimləri təqib edir. Hətta bunun üçün sinif otaqlarına müşahidə kameraları quraşdırılıb, müəllimlər izlənilir.
Gül Qədirli; ,,məktəbin tədris məsələləri üzrə direktor müavinini – anamı gözümçıxdıya salıb, təzyiq göstərir, ona qarşı təxribatçı, çirkin oyunlar oynamağa tapşırıqlar verir. Bu da Aygün Hüseynovanın məkrli niyyətindən irəli gəlir. O, məktəbin "kraliçası” olmaq istəyir ki, hamı direktora təzim etsin, bir sözünü iki eləməsin. Lakin mənim direktor müavini olan valideynim onun özbaşınalıqlarını, idarəçilikdə yol veriyi bu neqativ halları, qanun pozuntularını qəbul etmir. Buna görə də Aygün Hüseynova 37-ci il repressiyasına bənzər üsullarla – şərləmək, təhdid etmək, hədə-qorxu gəlmək, təxribata və digər çirkin yollara əl atmaqla ona ciddi təzyiqlər göstərir.Müəllimlərə anamın iş otağına girməsini qadağan edib. Burdan ölkənin 1 ci xanımı Mehriban xanım Əliyevaya xahiş edərək müraciət edirəm: 288 saylı məktəbdə baş verən qanunsuzluqları araşdlrmaq üçün Təhsil nazirliyinə komisiyya yaradılması barədə göstəriş verilsin".

ƏLİQULU AYGÜN HÜSEYNOVANIN QULU OLMAĞI SEÇİB.

Bu arada, hər yerin "qulbeçələri ", köstəpəkləri olduğu kimi, 288 saylı orta məktəbin də bir çömçəqulusu var - adı Əliquludur. Bu şəxs məktəbin təsərrüfat işlərinə məsuldur. Amma özünə aid olmayan işlərə burun soxur. Adam təsərrüfat işlərinə baxır, amma məktəbin vatsap qrupunda yuyulmamış qaşıq kimi ortaya düşüb xanımlar haqda danışır. Heç Əliqulu adına yaraşan iş deyil. Amma çömçəqulu kimi özünə əl qatıb Gül Qədirli barəsində yaşına-başına yaraşmayan şərhlər verir. Adama deyərlər, axı bu mövzulardan sənə nə?! Get məktəbin təsərrüfat işlərinə bax, səliqə-sahmana, ağaca-gülə, invertarların vəziyyətinə, otaqların işıqlanmasına, tavana, döşəməyə bax, gör nə çatır, nə çatmır, şagirdlərin oturacaqları, partaları dəyişməlidir, yoxsa təmizdir? Bax, belə bir işin qulpundan yapışmalı olan Əliqulu vatsapda trolluq edir, başı çıxmayan işlərə qarışır, hələ bu azmış kimi, hədələyir ki, dövlət hər şeyi görür. Pis nümunədir ki, Əliqulunun trol kimi yazdığı rəyləri direktor özü "like" edir.
deyəcək!

Bəli, dövlət sənin də, direktorun da fəaliyyətini görür, necə bir qərar veriləcəyini geci tezi var. Sadəcə, bineyi-qədimdən Əliqulu kimi yerini bilməz qullar, nökərlər ortalıqda gəzib. Amma Əlinin qulu olmaq böyük fəxarətdir, o adı daşıyan gərək dərin mənasını qavraya. Əliqulu isə Aygün Hüseynovanın qulu olmağı seçib. Nə deyəsən...

SOKARDAN TƏHSİLƏ UZANAN ƏLLƏR: MƏKTƏBİ KİM İDARƏ EDİR?-RÖVŞƏN NƏCƏFƏ MÜRACİƏT

Verilən məlumatlarda bildirilir ki, direktorun həyat yoldaşı Ramin Hüseynov SOKAR KOMPLES QAZMA İŞLƏRİ TRESTİNDƏ xidməti işlərindən çox məktəbdə pedoqoji fəaliyyətlə məşquldur. ( bu barədə araşdırmalarımız davam edir , xüsusi müraciətimiz olacaq ) Hesab edirik ki, SOKAR rəhbərliyi bu iddialar barədə hüquqi qiymət verərək qanuni tədbirlər görəcək...
Bu təzyiqlər dediyimiz kimi, həm də müəllimlərə yönəlib. Söhbət az əvvəl qeyd etdiyimiz kameraların siniflərdə , müəllimlər otağında quraşdırılmasından gedir. Halbuki sinif otaqlarında kameralar quraşdırılması ilə bağlı nazirliyin məktəblər qarşısında hər hansı tələbi yoxdur. Eyni zamanda, xəbərlərə görə, məktəbdəki bir sıra sənədlərdə saxta imzalar mövcuddur. Nəticə etibarı ilə ciddi maliyyə pozuntularına yol verilib. Bu azmış kimi, direktorun təlimatı əsasında məktəbdə üç əvəz kitabı var. Bu da olduqca ciddi qanun və maliyyə pozuntusudur, cinayət məsuliyyəti yaradır.
Bundan əlavə, 288 saylı orta məktəbdə altı günlük dərs sistemi olsa da, cəmi beş gün keçirilir. Həftənin 6-cı günü isə dərslər ya formal olar, ya da heç olmur. Çünki məktəbdə dərslərə davamiyyət aşağı düşür. Ümumiyyətlə, adi günlərdə də davamiyyət bərbaddır.
Xəbərlərdə o da deyilir ki, hər il bütün siniflərdən pul yığılır, təmir, fond adı altında şagird və valideynlər incidilir. Hətta bir müddət əvvəl məktəbin valideynləri bildirmişdilər ki, Aygün Hüseynova təhsil müəsissəsini idarə edə bilmir.Onların sözlərinə görə, sözügedən 288 saylı məktəbdə təlim-tərbiyə demək olar ki, sıfıra bərabərdir. Yuxarı siniflərin davamiyyəti, aşağı sinif şagirdlərinin məktəbə gəlməməsi direktorun yalnız cibini doldurur.
Dövlət hesabına məktəbə gələn təminat şagirdlərə pulla satılır, ibtidai siniflərdə müəllimlər kitab satışı ilə məşğul olur, orta sinif şagirdləri məcburi qaydada hazırlığa cəlb edilir...
Göründüyü kimi, Aygün Hüseynova erasının başa çatmasının vaxtı yetişib. Son sözü isə Maliyyə Nazirliyinin, Daxili İşlər Nazirliyinin o cümlədən Elm və Təhsil Nazirliyinin yoxlamalarının nəticələri deyəcək...(rubrika.az)
Mövzunu davam etdirəcəyik..
Ülkər Vəliyeva
Qarşı tərəfin də mövqeyini dərc etməyə hazırıq.