Azərbaycan Respublikasının Dövlət Tibbi-Sosial Ekspertiza və Reabilitasiya Agentliyi inzibati binaların və reabilitasiya mərkəzlərinin təchizatı üçün hərəkətə keçib.

Agentlik mebel və inventarların satın alınması məqsədilə tender elan edib. Satınalmanın ehtimal olunan qiyməti 79 972,73 AZN məbləğində müəyyən edilib.

Siyahıda nələr var?

Ayrılan vəsait hesabına Agentlik üçün geniş çeşiddə mebel dəstlərinin alınması nəzərdə tutulur. Siyahıda aşağıdakı inventarlar yer alıb:

Rəhbər və işçi kresloları;

İclas masaları və auditoriya oturacaqları;

Lüks divan dəstləri və qonaq kresloları;

2 qapılı paltar dolabları;

Pasiyentlər və ziyarətçilər üçün 3-lü skamyalar;

Jalüz pərdələr.

Agentlik bəzi məhsulların (xüsusilə oturacaqlar və divanlar) seçimində mövcud interyerə uyğunluq üçün nümunəyə baxış şərtini də qoyub. 32gun.az