Mənzil Təsərrüfat və Abadlaşdırma İdarəsinin (Dövlət Müəssisəsi) Mingəçevir şəhərində Mənzil Fondunun əsaslı təmir işlərinin satınalınması üzrə 07.05.2025-ci ildə başladığı açıq tendrrə yekun vurub. Müsabiqənin qalibi “LİDER-LİNE” Məhdud Məsuliyyətli Cəmiyyəti seçilib və tərəflər arasında 449.201,93 manat məbləğində satınalma müqaviləsinin bağlanılması planlaşdırılır. Məlumat satınalmaların portalında 03.07.2025-ci ildə dərc edilib.

Qeyd edək ki, Mənzil Təsərrüfat və Abadlaşdırma İdarəsi (Dövlət Müəssisəsi) Mingəçevir şəhər İcra Hakimiyyətinin tabeliyində olan qurumdur. Abadlaşdırma İdarəsi tərəfindən nəzərdə tutulmuş təmir işləri üzrə keçirilmiş açıq tenderdə ehtimal olunan qiyməti 994.505,81 manat müəyyən edilmişdir. Satınalmalarının portalına yerləşdirilmiş bu məlumatlardan görsəndiyi kimi satınalan təşkilat olaraq Mingəçevir Mənzil Təsərrüfat və Abadlaşdırma İdarəsinin müəyyən etdiyi ehtimal qiyməti ilə təchizatçı “LİDER-LİNE” MMC-nin təklif verərək qalib olduğu qiymətlər arasında kəskin fərq var.

Qeyd edək ki, “Dövlət Satınalmaları haqqında” Azərbaycan Respublikasının Qanununda təchizatçıların satınalmadan kənarlaşdırılması müəyyən edilib. Sözügedən Qanunun 35.1.8. maddəsinə görə təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyasının sorğusu əsasında təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda təchizatçı müsabiqədən kənarlaşdırılmaldır.

Amma göründüyü kimi Mingəçevir şəhərinin Abadlaşdırma İdarəsi tender müsabiqəsində ehtimal olunan qiymətlə müqayisədə 20 faizdən dəfələrlə aşağı, hətta 50 faizə yaxın qiymət təqdim etmiş “LİDER-LİNE” MMC ilə satınalma müqaviləsi bağlamağı planlaşdırır ki, bu da “Dövlət Satınalmaları haqqında” Qanunun tələblərinin pozulması deməkdir.

Qeyd edək ki, bu Mingəçevir şəhər İcra Hakimiyyəti və tabeliyində olan Mənzil Təsərrüfat və Abadlaşdırma İdarəsi ilə “LİDER-LİNE” MMC arasında olan ilk işbirliyi deyil.

Mingəçevir şəhər İcra Hakimiyyəti sözügedən şirkətlə inzibati binanın fasad hissəsinin əsaslı təmiri üzrə 28.890,36 manat dəyərində bir müqavilə 01.07.2025-ci ildə, 16.928,83 manat dəyərində bir müqavilə isə 28.12.2024-cü ildə bağlayıb. İnzibati binanın daxilində cari təmir işlərinin satınalınması üzrə isə 7.981,52 manat dəyərində müqavilə 27.12.2024-cü ildə bağlanılıb.

Qeyd edək ki, Mingəçevir Şəhər Mənzil-Kommunal Təsərrüfatı İstehsalat Birliyi isə “LİDER-LİNE” MMC ilə 10.10.2022 -ci ildən 19.12.2023-cü ilə, yəni bir il bir ay ərzində mal-materialların satın alınması, Mingəçevir şəhərində mənzil fonduna daxil olan çoxmənzilli yaşayış binalarının əsaslı təmirinin satın alınması üzrə ümumi dəyəri 937 887 manat manat məbləğində 5 satınalma müqaviləsi bağlayıb.

Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “LİDER-LİNE” (VÖEN- 2701297561) Məhdud Məsuliyyətli Cəmiyyətinin 11 saylı Ərazi Vergilər İdarəsində 20.04.2018 -ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanının MİNGƏÇEVİR ŞƏHƏRİ, BAĞLAR MASSİVİ, ev.11-ci BAĞ KÜÇƏSİ, m.28-A , qanuni təmsilçisinin isə Aslanov Ramil Rafail oğlu olduğu göstərilir. MMC-yə vergi öhdəlikləri üzrə Vergi Məcəlləsinə uyğun olaraq vergi hesabatını və ya onu əvəz edən arayışı vaxtında təqdim etməməyə görə dəfələrlə maliyyə sanksiyası tətbiq edilmişdir.

Reyestr məlumatlarına edilən dəyişiklikdə MMC-nin təsisçisi və ilk qanuni təmsilçisinin Əsgərov Namizəd Şahmar oğlu olduğu göstərilir. Açıq məbələrdə şirkət haqqında məlumatlar bu qədərdir.

Apardığımız daha ətraflı araşdırma zamanı məlum oldu ki, Mingəçevir şəhər İcra Hakimiyyəti 05.04.2024-cü ildə “LİDER-LİNE” MMC-nin təsisçisi və ilk qanuni təmsilçisi olmuş Əsgərov Namizəd Şahmar oğluna Mingəçevirin Ərəş küçəsində qeyri yaşayış obyektinin istismarına 07-24 nömrəli icazə sənədi verib.

Qeyd edək ki, Mingəçevir şəhər İcra Hakimiyyəti İlham İsmayılovdu. O, 2008-2018-ci illərdə Mingəçevir şəhər İcra Hakimiyyəti başçısının birinci müavini vəzifələrində işləmişdir. Azərbaycan Respublikası Prezidentinin 17.12.2018-ci il tarixli sərəncamı ilə Mingəçevir şəhər İcra Hakimiyyətinin başçısı təyin olunub. “LİDER-LİNE” MMC-nin dövlət qeydiyyatına alındığı tarixdə 2018-ci ilə təsadüf edir. Belə çıxır ki, MMC İlham İsmayılov tərəfindən Mingəçevirdə mənzil fonduna aid olan çoxmənzilli yaşayış binalarının əsaslı təmiri üçün yaradıb. Təsisçisi olan Əsgərov Namizəd Şahmar oğluna da Mingəçevirdə geniş şərait yaradır.
Aktualinfo.org
Facebook-da paylaş