Son dövrlərdə bəzi media orqanlarında Şərqi Zəngəzur Regional Təhsil İdərəsinin fəaliyyəti ilə bağlı qanunsuzluqlar barədə məlumatlar yayılır. Bu məlumatlarda regional idarənin rəisi Fuad Bədəlov və bu idarəyə tabe olan sektorların rəhbərlərinin fəaliyyətindən bəhs edilir.

Ayrı-ayrı müəllimlər öz şikayətlərində idarə rəhbərini qanunsuzluqda ittiham edirlər.

Ancaq maraqlıdır ki, Elm və Təhsil Nazirliyi bu qədər faktlar göstərilsə də hər hansı bir tədbir görmür.

Daha bir şikayət isə Aslanlı Ülviyyə Yaşar qızı tərəfindən Gununsesi.info–ya daxil olub. Şikayətçi aidiyyəti qurumlara dəfələrlə müraciət etsə də, müraciətinə baxılmadığını bildirir:

“Ona görə məcbur qalıb sizin redaksiya vasitəsilə cənab nazirə üst tuturam, xahiş edirəm ki, bu məsələyə diqqət ayırsın və mənə qarşı bu qanunsuzluğun səbəbi araşdırılsın və mənim ödənilməmiş vəsaitim, pulum özüm ödənilsin”.

Şikayətçinin sözlərinə görə, iki iş yerində çalışır. Əsas iş yeri Bakı Şəhəri Təhsil İdarəsinin N. Sərxanov adına 256 nömrəli tam orta məktəbidir. Əlavə iş yeri isə Şərqi Zəngəzur Təhsil İdarəsinin Laçın rayonu Binə ümumi orta məktəbidir.

O bildirir ki, 8 avqust 2025-ci il tarixində analıq məzuniyyətinə çıxıb:

“126 günlük ödənişimi ala bilmirəm. Səbəb kimi isə Şərqi Zəngəzur Təhsil İdarəsi tərəfindən illik hesabatının düzgün aparılmamasını göstərir. Yeddi aydır müraciət etməyinə baxmayaraq, məsələ həllini tapmayıb”.(Gununsesi.info)