Eşqi Bağırovun rəhbərlik etdiyi sahədə vəziyyət artıq dözülməz həddə çatıb. Eşqi Bağırov qəbul günlərini vətəndaşların problemlərini həll etmək üçün deyil, onlardan qaçmaq üçün bir vasitəyə çevirib. Onun əsas və yeganə məqsədi budur ki, sistemdəki çatışmazlıqları, özünün yol verdiyi xətaları və məktəblərdəki xoşagəlməz halları üzünə vuracaq, həqiqəti deyəcək insanları qapıdan içəri buraxmasın.
​
O, "Regionallar" və MÜTDA daxil olmaqla, öz tabeliyində olan bütün strukturlara qəti tapşırıq verib ki, heç kim (əsl şikayətçilər) onunla görüşə bilməsin. İnsanlar saatlarla, günlərlə qapıda gözlədilir, amma içəriyə yalnız əvvəlcədən hazırlanmış, şikayəti formal və ya qondarma olan adamlar buraxılır. Eşqi Bağırov bu insanlarla yalandan, kamera qarşısında və ya qeydlər apararaq guya nəsə edirmiş kimi davranır, əslində isə sadəcə vaxt qazanır və problemi ört-basdır edir.
​
Emin Əmrullayev və Elnur Əliyev də eyni yola əl atırlar. Amma əgər birincilik keçirilsə, sözsüz ki, Eşqi Bağırov birinci olar. Bu prosesin əsas fiquru kimi Emin Əmrullayevin Eşqi Bağırovun bu etdiyinə göz yumur. Bu səssizlik birbaşa razılıqdır. Təhsil sistemi bu şəxslərin əlində islahat meydanı deyil, daha çox şəxsi nüfuz davası və maliyyə maraqlarının toqquşduğu bir məkana çevrilib. Emin Əmrullayevin "gücü çatmır" ifadəsi isə sadəcə bir bəhanədir; əgər idarə etdiyi sahədə öz kadrı belə bir özbaşınalıq edirsə və o, bunu düzəldə bilmirsə, deməli, ya bu sistemin ortaq qaranlıq məqamları var, ya da o, bu prosesi idarə etmək iradəsindən məhrumdur.
​
Eşqi Bağırovun təhsil sistemindəki varlığı və qəbulları qadağan edən bu siyasəti, şikayətlərin həllinə deyil, şikayətçilərin boğulmasına xidmət edir. Onlar problemləri kökündən həll etmək əvəzinə, insanları yorub sistemdən uzaqlaşdırmaq taktikası yürüdürlər. Bu, sadəcə işgüzarlıq yox, vəzifə səlahiyyətlərindən sui-istifadə etmək və təhsilin gələcəyini şəxsi maraqlara qurban verməkdir.

TEHSİLmedia.İNFO