Azərbaycan Dəmir Yolları” (ADY) Qapalı Səhmdar Cəmiyyəti tənqid edilib.

XALQ.AZ-ın xəbərinə görə, sosial şəbəkə istifadəçilərindən biri ADY-nin fəaliyyətinin qənaətbəxş olmadığını bildirib.

O, qatarların az olmasına diqqət çəkib: “İnsanları kartof kisəsi kimi üst üstə aparırlar, saat 19:35-dən sonra əlavə qatar təyin etmirsiniz. Təsəvvür etmək çətin deyil, məncə, saat 18:00-dan sonra insanlar işdən yorğun çıxır, hər kəs qatarda oturmağa üstünlük verər və hər kəs ödənişini edib elə keçir qatara…”

ADY-dən cavab olaraq deyilib ki, Xırdalan xətti üzrə axşam 19:00-dan səhər 7:00-a qədər yük qatarları fəaliyyət göstərdiyindən, sərnişindaşıma bu saatlarda mümkün deyil.

“Hərəkət qrafikinin təşkili sərnişin axınını nəzərə alaraq tərtib edilir. Hazırda mövcud vaqon parkımıza uyğun olaraq qatarlarımız ən optimal hərəkət qrafiki üzrə fəaliyyət göstərir”, – məlumatda qeyd olunub.

Qeyd edək ki, Azərbaycan Dəmir Yolları” QSC-nin sədri Rövşən Rüstəmovdur. Ölkə mətbuatında və sosil şəbəklərdə mütəmadi dəmir yollarında olan çatışmamazlıqlar və sərnişinlərin şikayətləri yayımlanır. Həmçinin bildirir ki, Rövşən Rüstəmov idarəçiliyi dövründə ölümlə nəticələnə qatarların törətdiyi qəzalar artıb.