Daha bir tiktoker həbs edildi [xfgiven_qirmizi] [xfvalue_qirmizi] [/xfgiven_qirmizi]
"TikTok"da canlı yayım açaraq nalayiq ifadələr işlədən daha bir şəxs məsuliyyətə cəlb olunub.
Gündəlikxəbər.org Modern.az-a istinadla xəbər verir ki, bu, "Raufizm" ləqəbi ilə tanınan Rauf Ağaquliyevdir.
Əxlaq normalarına zidd hərəkət edən şəxs barəsində İnzibati Xətalar Məcəlləsinin 510.3-cü maddəsi ilə protokol tərtib edilərək baxılması üçün məhkəməyə göndərilib. Məhkəmənin qərarına əsasən, əməlini etiraf edən R.Ağaquliyev bir ay müddətinə inzibati qaydada həbs olunub.
Daha əvvəl İsa Niyazəli oğlu Quliyev "TikTok"da "İsican" adlı hesabında, Məhəmməd Hüseyn oğlu Nəsibov "7_muxammed_7" adlı hesabında, 25 yaşlı Melisa Əhmədova (şərti soyad) isə "melisa__591" adlı hesabında paylaşdığı yayımlara görə inzibati qaydada həbs ediliblər.
