7NEWS.az xəbər verir ki, bu barədə tanınmış ekspert Qurbanəli Ömər şəxsi profilində yazıb: "Dostlar, Azer Turk Bank mənim bank məlumatlarımı 3- cü şəxsə verib. Heç bir hüquqi əsas olmadan, məhkəmə qərarı filan. Bununla bağlı vəkilimlə danışdım. Özüm Azərbaycanda deyiləm deyə, bəzi dostlarla maraqlandım dedilər, olur belə hallar. Uzun müddətdir ki, komissiya və limitlərə görə bu bankın istifadəçisiydim. Bu günə qədər yetərincə xeyir vermişəm. Bu gün isə belə bir halla rastlaşıb, bərk əsəb keçirmişəm. Bir bank harda neçə manatlıq yemək yeyib, nə qədər pul xərclədiyimi (özü də son 3 aylıq hesabat şəklində) niyə vəzifədə tanışı olan hansısa bir gədəyə versin ki? Çox təəssüf edirəm, ya o əməkdaşınızı tapın, vəzifəsindən azad edin, ağlı başına gəlsin, mənə də bunun səbəbini email vasitəsilə belə olsa izah edin. Ya da sizə yaxşı yol. Onsuz da, artıq texnologiya elə inkişaf edib ki, bank kartı səfirliklərə təqdim etməkdən başqa bir işə yaramır. Başqa alternativlərdəb istifadə edərəm. Bu günə qədərki yoldaşlığımıza heyf. Öyrəşmişdim bu karta. Bu illər ərzində bütün səyahətlərimdə, shoppinglərimdə, ödəmələrimdə bu kartdan istifadə edirdim. Çox şey yaza bilərəm, əsəbiyəm. Yazmıram. Nəysə, bu qədər."