"Azəriqaz" İstehsalat Birliyində yoxlamalar başladı- Mediadan niyə gizlədilir?

Bir neçə gün öncə xəbər verdiyimiz kimi "Azəriqaz" İstehsalat Birliyində yoxlamalar başlayıb. Redaksiyamıza gələn şikayətlər əsasında dərc etdiyimiz yazılar qurumda yoxlamalar aparılmasına səbəb olub. Aldığımız məlumata görə yoxlamalar nəticəsində bir çox qayda pozuntuları aşkar edilmiş, saytımızın dərc etdiyi yazıların kifayət qədər əsaslı olduğu sübuta yetirilmişdir.

Buna baxmayaraq redaksiyamıza gələn məlumat "Azəriqaz" İstehsalat Birliyində hələ də çox sayda qanunsuzluğ, özbaşınalıq və talama ilə gündəmə gələn Namiq Məmmədovu "qabağa çəkmək" istəyən qüvvələr qalmaqdadır. Bu yazımızda o şəxslər haqqında bəhs edəcəyik.

Belə ki, qurumda aparılan yoxlamalar və aşkara çıxan qanunsuzluqlar Lənkəran RQİİ-nin rəisi Namiq Məmmədov Ağsu RQİİ-nə ezam edilməsinin qarşısını ala bilməyib. N. Məmmədov Ağsu RQİİ-nin ezam edilməsi Azərbaycan qanunveriliyinə tam ziddir. Çünki, Ağsu RQİİ-nin rəisi var.
"Azəriqaz" İB-yi baş direktorunun 1-ci müavini Nail Abdullayev Ağsu RQİİ-nə Namiq Məmmədovu gətirəndə bildirib ki,onun arxasında mən durmuşam.Görünür vaxtı ilə keçmiş baş direktor Ruslan Əliyevin, onun müavini Cahid Hüseynovun qara kassası sayılan Namiq Məmmədov indi də Nail Abdullayevin maraq dairəsindədir, yəni onunda qara kassasına çevrilməyi bacarıb. Maraqlısı odur ki, SOCAR vitse-prezidenti Ziba Mustafayeva SOCAR-da işlə təmin edilmək üçün mütləq 2 mərhələli imtahan verdikdən sonra mümkün olduğunu bildirir.

Məlumata görə N. Məmmədovu çoxsayda qanunsuzluğlara əl atmasına rəğmən onu qoruyan şəxs Nail Abdullayevdir. Namiq Məmmədovdan Lənkəran RQİİ-nin əhatə etdiyi rayonlardan çox sayda ərizələr yazılır ki, onu Ağsu RQİİ-nə ezam edilməsi bu vəziyyətdə aydındır.Yəni Nail Abdullayev bütün gücü ilə Namiq Məmmədovu qorumağa çalışır. Bu gün "Azəriqaz" rəhbərliyi Məmmədovun Lənkəran RQİİ də qanunsuz əməllərini ört basdır etmək üçün onu ordan Ağsuya ezam edib, lakin Ağsu RQİİ rəisi hələ öz vəzifəsini yerinə yetirir.

Qurumun əməkdaşlarından birinin bildirdiyinə görə N. Məmmədovu qoruyan qüvvələrdən biri də "Azəriqaz"-ın ictimaiyyətlə əlaqələr şöbəsinin rəisi Eldəniz Vəliyevdir. Mətbuat gedən yazılardan narahat olan və qurumun üst səviyyədə rəhbərləri tərəfindən sıxışdırılan Eldəniz Vəliyev N. Məmmədovu yanına çağıraraq haqqında mediada gedən yazıları sildirməyi tələb etmiş, N. Məmmədov bunu bacarmayınca E. Vəliyev şəxsən hərəkətə keçərək yazıları dərc edən bir neçə saytın rəhbərinə zəng edərək onları məhkəmə ilə təhdid etmişdir. Görünür, mediada və Space TV-də rəhbər vəzifələrdə bir vaxtlar çalışsa da öyrənə bilməyib ki, Azərbaycanda qanun çərçivəsində yazılan yazılara görə heç bir media orqanı cəzalandırılmır.(Xebernur.com)