AAYDA-nın tabeliyindəki qurumda işçilər 20 gündür maaş ala bilmir - Yeni rəhbərliyin xəbəri varmı? [xfgiven_qirmizi] [xfvalue_qirmizi] [/xfgiven_qirmizi]
AAYDA-danın tabeliyində olan Avtomobil Yolları Mühafizə Xidmətinin əməkdaşları 20 gündür ki, maaş ala bilmirlər.
Bu barədə adını çəkilməsini istəməyən AAYDA əməkdaşları "Sitat.info"ya məlumat veriblər.
Bildirilib ki, bu vəziyyət AAYDA-da rəhbər dəyişikliyindən sonra baş verib. Maaşların nə vaxt veriləcəyi ilə bağlı konkret tarix deyilmir.
İşçilərin fikrincə, bu vəziyyətin yaranmasının səbəbi isə ya rəhbər dəyişikliyi ilə, ya da qurumda aparılan yoxlamalarla bağlıdır. Mühasibatlıqdan və ya rəhbər vəzifədə olanlardan işçilərə maaş gecikməsinin səbəbi ilə bağlı dəqiq açıqlama verilməyib.
Qeyd edək ki, “Avtomobil Yollarının Mühafizə Xidməti” MMC 2022-ci ildə Azərbaycan Avtomobil Yolları Dövlət Agentliyinin tabeliyinə verilib.
Məsələ ilə bağlı AAYDA-nnı mətbuat xidmətinə sorğu göndərmişik, açıqlamanı dərc edəcəyik.
