Qurban Qurbanov Sumqayıtda 3 futbolçunu oynada bilməyəcək [xfgiven_qirmizi] [xfvalue_qirmizi] [/xfgiven_qirmizi]
Misli Premyer Liqasının 3-cü turu çərçivəsində bu gün "Sumqayıt"ın qonağı olacaq "Qarabağ"ın "kimyaçılar"a qarşı neçə itki ilə mübarizə aparacağı bəlli olub.
Ağdam klubunun mətbuat xidmətindən verilən məlumata görə, "köhlənlər"in baş məşqçisi Qurban Qurbanov bu qarşılaşmada 3 futbolçunun xidmətindən yararlana bilməyəcək.
Sol cinah hücumçusu Renaldo Sefas, sol cinah müdafiəçisi Elvin Cəfərquliyev və uzun müddətə sıradan çıxdığı öncədən bəlli olan forvard Zakaria Savo zədə səbəbindən görüşü kənardan izləyəcək.
Qeyd edək ki, "SOCAR Polymer Arena"da reallaşacaq görüşün start fiti 20:15-də səsləndiriləcək.
