Ona etibar edilən bütün işlərdə Məhəmməd Şirinov özünü doğruldub [xfgiven_qirmizi] [xfvalue_qirmizi] [/xfgiven_qirmizi]
Əziz oxucu! Bir az toxta, dur! Məmurların qanunsuzluqlar, sosial problemlər, kresloda oturanların vətəndaşlara təhkimçi kimi baxmaları, korrupsiya və maliyyə maxinasiyaları ilə toplanan milyonlardan, kapitaldan bəhs edən məlumatlardan bir qədər uzaqlaşaq. Sizə çoxlarının yazacaqlarımıza inanmadığı, şəxsiyyəti və real əməli ilə bizi də fəth edən bir şəxsdən - Tərtər rayon Evoğlu bələdiyyəsinin sədri Məhəmməd Şirinov barədə bəhs edəcəyik. Onun haqqında elini-obasını sevən bir insan kimi gördüklərimizi, bildiklərimizi və başqalarının fikirlərini təqdim edəcəyik.
Dünyaya göz açan hər bir kəsin, öz yolu, öz cığırı olur. Bu da əzəli məlum, sonu ALLAHIN qismətindən asılı ömür yoludur. Deyirlər, öz dünyasında olan insanın söz və əməl dünyası saleh olur. Bu yolu şərəflə, ləqayətlə, inam və imanla addımlayan Məhəmməd Şirinov Vətənə ləyaqət nümunəsi sayılacaq vəzifə sahiblərindəndir.
Məhəmməd Şirinov Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir.
Tərtər rayon Evoğlu bələdiyyəsinin sədri Məhəmməd Şirinov qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Məhəmməd Şirinovun diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Məhəmməd Şirinov səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, Tərtər rayon Evoğlu bələdiyyəsinin sədri Məhəmməd Şirinova biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
Məhəmməd Şirinov bütün işləri yüksək professionallıqla və böyük operativliklə icra edir! Bunun sirri onun professional olmasıyla, dövlətçiliyimizin və prezidentimizin yüksək reytinqini hər şeydən uca tutmasıyla bağlıdır!
Ona etibar edilən bütün işlərdə Məhəmməd Şirinov özünü doğruldub. Bizdə hörmətli Məhəmməd Şirinovu dövlətimizə, xalqımıza şərəfli xidmətində yeni-yeni uğurlar başarılar diləyirik.
Tərtər rayon Evoğlu bələdiyyəsinin sədri Məhəmməd Şirinov - Sentyabrın 20-də Lokal xarakterli antiterror tədbirləri və onun nəticələri ilə bağlı Azərbaycan Respublikasının Prezidenti İlham Əliyev xalqa etdiyi müraciətində bir çox mühüm məsələlərə toxundu, o cümlədən Cənub Qafqazın gələcəyi ilə bağlı vacib açıqlama verdi. O qeyd etdi ki, “Biz onların(yəni - Ermənistanın) ərazi bütövlüyünü tanıyırıq və bunu bəyan etmişik, bütün ölkələrin ərazi bütövlüyünü tanıyırıq. Biz, sadəcə olaraq, tələb edirdik həm onlardan, həm onların arxasında duran və onlar üçün dar məqamda onların yanında olmayan, uzaqda, Avropada yerləşən dırnaqarası erməni cəfakeşləri bilsinlər - nə qədər uzaq dursalar bizim bölgəmizdən, o qədər də bölgə rahat nəfəs alacaq və biz bunu təklif edirik. Biz təklif edirik ki, Cənubi Qafqaz ölkələrinin gələcəyi sülhə, əmin-amanlığa, inkişafa söykənsin. Biz təklif edirik ki, bölgəmizdən uzaqda yerləşən, ancaq öz siyasi gündəliyini güdən və erməni xalqından bir alət kimi istifadə edən, onları istismar edən və dar gündə onları, necə deyərlər, satan qüvvələr, saxtakarlar, korrupsiyalaşmış siyasətçilər əl çəksinlər bizdən. Dünyanın o başında oturub bizə qarşı əsassız ittihamlar irəli sürənlər əl çəksinlər bizdən, qoysunlar Cənubi Qafqaz rahat nəfəs alsın”. Bu gün bölgədə sülhün və təhlükəsizliyin təmin olunması üçün bundan ideal düstur ola bilməz. Azərbaycan öz ərazi bütövlüyünü və suveren hüquqlarını təmin etdikdən sora bölgədə yeni reallıqlar yaranmışdır. Ölkəmizin hazırkı geosiyasi vəziyyəti onun regional liderliyi ilə yanaşı, beynəlxalq nüfuzunu daha da artırmışıdr.
Bu gün isə rəsmi Bakının təşəbbüsü ilə Cənubi Qafqazda etibarlı sülhün əsası qoyulur. Prezident İlham Əliyevin həyata keçirdiyi balanslı xarici siyasətin nəticəsində regionda sabitliyin qarantı, həmçinin bölgənin iqtisadi yüksəlişinin təminatçısıdır. Hazırda dünyada baş verən hadisələr, geosiyasi proseslər, qeyri-sabitlik dinc, sakit, təhlükəsiz həyatın dəyəri getdikcə daha da aktuallaşdırır. Azərbaycan son üç ildə Cənubi Qafqaz üçün separatizmdən uzaq firavan gələcək üçün davamlı inkişaf, rifah və firavanlığa yönəlmiş sülh gündəmini təşviq etməkdə davam edir. Bu təşəbbüslər qonşu Gürcüstandan birmənalı dəstək alır, tarixi dostluq, mehriban qonşuluq və strateji tərəfdaşlıq münasibətləri bu gün regionda dinc gələcəyin qurulmasının mühüm amillərindən birinə çevrilir. Bu baxımdan, Azərbaycan Prezidenti İlham Əliyevin oktyabrın 8-də Tbilisiyə işgüzar səfəri zamanı Gürcüstanın baş naziri İrakli Qaribaşvilinin verdiyi bəyanatlar göstəricidir. Bu gün Azərbaycan və Gürcüstanın eyni çağırış və problemlərlə üzləşdiyini deyən Prezident İlham Əliyev Cənubi Qafqazda sülhün hələ tam bərqərar olmadığını vurğulayıb. “Cənubi Qafqazda sülhün bərqərar olmasının vaxtı çatıb”, - deyə dövlət başçısı vurğulayıb. Azərbaycan və Gürcüstan hər zaman bir-birinin ərazi bütövlüyünü və suverenliyini dəstəkləyib. Bütün beynəlxalq təşkilatlarda xalqlarımızın bu və digər maraqlarını əks etdirən məsələlərdə hər iki dövlət bir-birini dəstəkləyib. Ölkələrin ərazi bütövlüyü beynəlxalq hüququn fundamental prinsipidir və ərazi bütövlüyünün pozulması qəbuledilməzdir. Azərbaycanın bu məsələ ilə bağlı mövqeyi birmənalıdır.
Azərbaycan və Ermənistan arasında normallaşma prosesinə toxunan Azərbaycan lideri bildirib ki, üç il əvvəl İkinci Qarabağ müharibəsi nəticəsində Azərbaycan öz ərazi bütövlüyünü bərpa edib, ötən ay bütün ölkə üzərində suverenliyini bərpa edib: “Bütün regionun inkişafı üçün yaranmış şansı əldən vermək böyük səhv olar. Ermənistanla Azərbaycan arasında imzalanacaq sülh müqaviləsi üzərində fəal çalışmalar aparılır. Əgər buna nail olsaq, o zaman Cənubi Qafqazda tamamilə yeni bir siyasi vəziyyət yaranacaq. Cənubi Qafqaz ölkələri əməkdaşlığa üçtərəfli formatda başlaya bilərlər və bir çox sahələr üzrə nəqliyyat, enerji təhlükəsizliyi, ticarət, qarşılıqlı sərmayə qoyuluşu əməkdaşlıq çox uğurlu ola bilər.”
Prezident İlham Əliyev qeyd edib ki, bu gün bir sıra dövlətlər, eləcə də bəzi beynəlxalq təşkilatlar Ermənistanla Azərbaycan arasında normallaşma prosesinə öz dəstəyini verməyə çalışır: “Biz bunu alqışlayırıq. Biz istənilən vasitəçilik və yardımı qəbul edirik, o şərtlə ki, təbii ki, birtərəfli və qərəzli olmasın. Amma məncə, həm tarixi bağlar, həm də coğrafi faktor nəzərə alınmaqla bu sahədə ən düzgün seçim təbii ki, Gürcüstan ola bilər. Bu sahədə vasitəçilik imkanları təklif etdiyi üçün cənab Baş nazirə minnətdaram. Hesab edirəm ki, biz buna hazır olan ölkə olaraq Ermənistandan da analoji yanaşma gözləməliyik və Ermənistan da razılaşarsa, bizim müvafiq strukturların rəhbərləri dərhal Gürcüstanda həm ikitərəfli, həm də üçtərəfli görüşə gələ bilərlər”. Gürcüstanın Baş naziri İrakli Qaribaşvili ölkələrin qarşılıqlı olaraq ərazi bütövlüyü və suverenliyini dəstəklədiklərini bildirməklə yanaşı qeyd etdi ki, “Bizim gələcəyimiz dinc, sabit olmalıdır və Cənubi Qafqazın hər üç ölkəsi regional məsələləri özləri həll etməlidir”.
Azərbaycan Gürcüstanın etibarlı müttəfiq və tərəfdaşdır. Həyata keçirilən Azərbaycan-Gürcüstan layihələrinin bu gün bir çox ölkələrin enerji və nəqliyyat təhlükəsizliyinə xidmət etdiyini xatırladan Prezident İlham Əliyev gələcək üçün yeni birgə planların olduğunu qeyd etdi - “Əməkdaşlığımızı dərinləşdirmək üçün aydın şəkildə işlənmiş gündəlik var”. Bakı-Tbilisi-Qars dəmir yolunun ötürücülük qabiliyyətinin beş dəfədən çox artırılması və yaxın gələcəkdə fəaliyyətə başlaması da təbii ki, Orta Dəhlizin möhkəmlənməsinə xidmət edəcəkdir. Enerji sektorunda ənənəvi sənayelərlə yanaşı, bu gün bizi Yaşıl Enerji Dəhlizi layihəsi birləşdirir. Gürcüstan və Azərbaycan həm ikitərəfli, həm də çoxtərəfli qaydada sıx əməkdaşlıq edir. Yaşıl Enerji Dəhlizinin və enerji kabelinin çəkilməsi həm bizim enerji təhlükəsizliyimizi, həm də tərəfdaş ölkələrin enerji təhlükəsizliyini gücləndirəcək” - deyə Azərbaycan lideri vurğulayıb. “Bir sözlə, bu gün Gürcüstan və Azərbaycanın digər qonşu dövlətlərlə birgə həyata keçirdiyi layihələr təkcə Cənubi Qafqaz regionu üçün deyil, həm də geniş mənada Avrasiya üçün böyük əhəmiyyət kəsb edir”, - Beləliklə, Prezident İlham Əliyevin öz çıxışı ilə Ermənistan üçün imkanlar yaradır. Ermənistan bu şansdan istifadə edərək regional inkişaf dairəsinə daxil olmaqla öz xalqına daha yaxşı, firavan və firavan gələcək bəxş edə bilər. Bakı və Tiflisin buna hazırdır, növbə İrəvanındır.
